پایگاه خبری آوای رودکوف:شعر زیبای علی پناه دهقان؛ شاعر کهگیلویه و بویراحمدی، درباره محرم و کربلا با مضامین عرفانی و بسیار دلنشین و با با زبان شرین لری

رنگ زردت یا حسین سی حال زارزینبه
علقمه تا روزمحشر شرمسار زینبه

طفلل ساوای خیمه بی شفاخو تشنه لو
اور غم من آسمون دل داغدار زینبه

یک تِیه زینب مخیمه یک تیش من قتلگا
تش وبرق آسمون سی روزگار زینبه

ماه غم اومه دلم سی کربلا پَر ایزنه
کربلا خَکِش شفایه جای وار زینبه

لشکرنامرد وکافررهت صحرا وای وای
ای همه شمشیر وخنجر سی برار زینبه

جَرمِوارُ رقص شمشیرِ یلان هاشمی
شیرزردی که دیاره شهسوار زینبه

دَی ابوسفیان قَرَ بَهسِن ونابودی دین
دین حق تا ایسو هِسِش وامدار زینبه

یاحسین دونُم شهادت تیت شرینه چی عسل
سیل واپس اَی کنی دل بی قرار زینبه

جَر تموم وابی نوایسا کس وبُمکویِ امام
کت یتیمی اَیسو واپَس واگزاره زینبه

نهضت سُهرِ حسین ایمُرد اگر زینب نبی
آنکه نهضت را وجونش پاسداره زینبه

کربلا میرون جانبازی یاران حسین
نینوا تا شام وکوفَه کارزارِ زینبه

میلِسی دِشمِن نِها تا خنده وُ شاری کنه
ری سیاهی بزم کافر سازو کارِ زینبه

مارایت الا جمیلا قلب عالم را شکافت
پرچم دین سربلندیش شاهکار زینبه

هرچه عالم غم بوینه اَ  اول تا آخِرِش
درقیاسش مثل یک غم اَ هزارِ زینبه

باغ دینَ آبیاری ایکنه خینِ حسین
دین احمد سربلند وبرقرار زینبه

کربلا وابی زیارتگاه آرم وُ مَلَک
جای خالی بینشو جای مزارِ زینبه

علی پناه دهقان

علی پناه دهقان